ការបត់រូប

ការបត់រូប

អត្ថប្រយោជន៍នៃការបត់រូប សកម្មភាពកុមារ និងបណ្ណារក្សបត់រូបភាព មានភាពរីករាយជាមួយការងារសិល្បៈដែលកើតចេញពីក្រដាស ធ្វើឲ្យកុមារស្គាល់ពីមាឌ ទំហំ រូបរាង ពណ៌... អភិវឌ្ឍសមត្ថភាពកុមារក្នុងការបត់រូបជាទ្រង់ទ្រាយផ្សេងៗ តាមរយៈរូបគំនូរ និងការណែនាំប្រកបដោយសោភ័ណ អភិវឌ្ឍការហ្វឹកហាត់ម្រាមដៃទាំងអស់ដោយស្ទាត់ជំនាញ   មានសត្ថភាពផ្ទេរចំណេះដឹងដល់កុមារដទៃទៀត   បណ្ដុះឆន្ទៈ អំណត់អត់ធន់ ផ្ចិតផ្ចង់ និងព្យាយាម    បង្កើតរូបារម្មណ៍ បញ្ញា ស្មារតី គំនិតច្នៃប្រឌិត គំនិតផ្ដួចផ្ដើម និងមានមោទនភាពចំពោះ​ខ្លួនឯង ទាក់ទាញអារម្មណ៍របស់កុមារឲ្យចូលរួមក្នុងការងារយ៉ាងសកម្ម។

សកម្មភាពនៃការអាន

សកម្មភាពនៃការអាន

ការបង្កើតការប្រឡងប្រណាំងការអាន      គឺជាសកម្មភាពមួយដែលធ្វើឡើងដើម្បីបណ្ដុះទម្លាប់ដល់កុមារឈានទៅរកការអាន និងមានចំណង់​ចំណូល​​​​ចិត្តក្នុងការអានជាប្រចាំ។ សកម្មភាពនៃការប្រារព្ធពិធីប្រឡងប្រណាំងការអាន ការបង្កើតការប្រឡងប្រណាំងការនិទានរឿង      គឺជាសកម្មភាពដែលធ្វើឲ្យអ្នកនិទានមានភាពក្លាហាន និងម្ចាស់ការក្នុងការអានតាមចំណង់ចំណូលចិត្តសំដៅបណ្ដុះទម្លាប់ទៅរកការអាន។ សកម្មភាពនេះមានការចូលរួមប្រឡងប្រណាំងរវាងកុមារនិងកុមារ រវាងគ្រូនិងគ្រូ រវាងបណ្ណារក្សនិងបណ្ណារក្ស។ ការប្រឡងប្រណាំងនេះអាចបង្កើតនៅក្នុងសាលារៀន ក្រុងស្រុកខ័ណ្ឌ រាជធានីខេត្ត និងទូទាំងប្រទេស (ថ្នាក់ជាតិ…

ការនិទានរឿងដោយប្រើតុក្កតា រូបតំណាង(ម៉ាកែត)

ការនិទានរឿងដោយប្រើតុក្កតា រូបតំណាង(ម៉ាកែត)

ការនិទានរឿងដោយប្រើតុក្កតា ឬរូបតំណាង គឺជាការបរិយយាយសាច់រឿងតាមការចងចាំ ដោយប្រើតុក្កតា ឬរូបតំណាងជាជំនួយ។  សកម្មភាពកុមារ និងបណ្ណារក្សក្នុងពេលនិទានរឿងដោយប្រើម៉ាកែត លំនាំនៃការនិទានរឿងមាន៖ រៀបចំតួអង្គតាមលំដាប់លំដោយទុកជាមុនសិនមិនឲ្យកុមារឃើញ ចាប់ផ្ដើមនិទានដោយប្រាប់ចំណងជើង ពេលនិទានត្រូវលើកតួអង្គមកបង្ហាញតាមសាច់រឿងធ្វើយ៉ាងណាឲ្យការនិទានមានភាពរស់រវើក និងធ្វើចលនាតួអង្គតាមខ្លឹមសាររឿង។

ការនិទានរឿងដោយប្រើអាវអៀម

ការនិទានរឿងដោយប្រើអាវអៀម

ការនិទានរឿងដោយប្រើអាវអៀម គឺជាការបរិយាយសាច់រឿងដែលត្រូវជ្រើសរើសយកមក​និទានដោយប្រើរូបតុក្កតាជាជំនួយ។  គ្រាន់តែជារូបតំណាងនៃការនិទានរឿង លំនាំនៃការនិទានរឿងមាន៖ រៀបចំតួអង្គតាមលំដាប់លំដោយទុកជាមុនមិនឲ្យកុមារឃើញ ពាក់អាវអៀមដែលបានរចនា ប្រាប់ចំណងជើងរឿង ទិទានដោយបង្ហាញសកម្មភាពតួអង្គតាមលំដាប់លំដោយសាច់រឿង និងយកទៅដាក់តាមកន្លែងដែលបានកំណត់ទុក។

ការនិទានរឿងដោយប្រើផ្ទាំងរូបភាព

ការនិទានរឿងដោយប្រើផ្ទាំងរូបភាព

ការនិទានរឿងដោយប្រើផ្ទាំងរូបភាព គឺជាការបរិយាយសាច់រឿងទៅតាមរូបភាពក្នុងផ្ទាំងរូបភាពឲ្យកុមារស្ដាប់។  សកម្មភាពកុមារ និងបណ្ណារក្សក្នុងពេលនិទានរឿងដោយប្រើផ្ទាំងរូបភាព លំនាំនៃការនិទានរឿង៖ រៀបរូបភាពតាមលំដាប់លំដោយសាច់រឿងមុននឹងនិទាន អានកាន់ទ្រផ្ទាំងរូបភាព ដាក់លើកៅអី តុ ឬដាក់លើភ្លៅ   ប្រាប់ចំណងជើងដែលត្រូវនិទាន ផ្ដើមនិទានដោយទាញរូបភាពម្ដងមួយៗ តាមទិសដៅចលនាតួអង្គ រួចដាក់ពីក្រោយផ្ទាំង​រូបភាពដែលនៅក្រោយគេ ទាញរូបភាពពាក់កណ្ដាលម្ដង ប្រសិនបើមួយសន្លឹកមានរួបភាពពីរផ្នែកផ្សេងពីគ្នា   ទះរូបភាពពីខាងខ្នងឲ្យរង្គើ ឬធ្វើឲ្យញ័រ ដោយយកដៃកាន់ពីខាងខ្នងផ្ទាំងរូបភាពចំពោះផ្ទាំងរូបភាពណា…

ការនិទានរឿងដោយប្រើសៀវភៅរូបភាព

ការនិទានរឿងដោយប្រើសៀវភៅរូបភាព

ការនិទានរឿងដោយប្រើសៀវភៅរូបភាព គឺជាការបរិយាសាច់រឿងទៅតាមរូបភាពក្នុងសៀវភៅឲ្យកុមារស្ដាប់។  សកម្មភាពកុមារ និងបណ្ណារក្សក្នុងពេលនិទានរឿងដោយប្រើសៀវភៅរូបភាព លំនាំនៃការនិទានរឿង៖ មិនត្រូវបង្ហាញចំណងជើងសៀវភៅឲ្យកុមារឃើញមុនពេលនិទាន   ត្រូវកាន់ទ្រសៀវភៅឲ្យមានលំនឹងស្របដងខ្លួននិងមិនត្រូវឲ្យបាំងរូបភាពចង់បង្ហាញ ត្រូវឆ្ដឹះបើកទំព័រសៀវភៅឲ្យបានស្ទាត់ជំនាយ អាចកម្រីកសៀវភៅទៅលើ ឬចុះក្រោម ទៅមុខ ឬថយក្រោយ។

ការនិទានរឿងដោយផ្ទាល់មាត់

ការនិទានរឿងដោយផ្ទាល់មាត់

ការនិទានរឿងដោយផ្ទាល់មាត់គឺជាសេចក្ដីតំណាល ដែលអ្នកនិទានបានចងចាំសាច់រឿងហើយយកមកនិទានឲ្យកុមារស្ដាប់។  សកម្មភាពកុមារ និងបណ្ណារក្សក្នុងពេលនិទានរឿងផ្ទាស់មាត់ លំនាំនៃការនិទានរឿង៖ ឈរ ឬអង្គុយឲ្យបានសមរម្យ ប្រាប់ចំណងជើងពេលនិទានរឿង   ធ្វើកាយវិការ ទឹកមុខ លើកដាក់សំឡេងតាមតួអង្គ ដោយបង្ហាញពីភាពរីករាយ កំហឹង និងទុក្ខព្រួយទៅតាមសាច់រឿង សម្លឹងមើលទឹកមុខ និងភ្នែកកុមារនៅពេលកំពងុនិទាន។