ទំព័រស្លឹករឹត

សូមស្វាគមន៍មកកាន់ ទំព័រស្លឹករឹត! ទំព័រនេះផ្ដល់ជូនលោកអ្នកនូវចំណេះដឹងជាច្រើនរួមមាន ប្រជុំកងធម៌ តែងសេចក្ដី វេយ្យាករណ៍ អក្សរសិល្ប៍ ប្រវត្តិកវីនិពន្ធ សម្ភាសអក្សរសាស្ត្រ កិច្ចការបណ្ណាល័យ វីដេអូមេរៀន កម្មវិធីហ្វឹកហាត់វាយពាក្យ កម្មវិធីគ្រប់គ្រងពិន្ទុសិស្ស កម្មវិធីគ្រប់គ្រងបណ្ណាល័យ និងគតិអប់រំផ្សេងៗទៀត សូមប្រើប្រាស់ទំព័រនេះដោយសេចក្ដីសោមនស្សរីករាយ សូមអរគុណ! ពីលោកគ្រូ នូ ញឿន អនុវិទ្យាល័យគិរីសុវណ្ណវង្ស ខេត្តកំពង់ឆ្នាំង ទូរស័ព្ទលេខ ០៩៦ ៦៥ ៦៨ ៥៦៥!

Showing posts with the label ធម៌ពួក០៦-១០Show all

អង្គ៧របស់វិន័យធរមាន៖

ស្គាល់អាបត្តិ ស្គាល់អនាបត្តិ ស្គាល់លហុកាបត្តិ ស្គាល់គរុកាបត្តិ ជាអ្នកមានសីលសង្រួមក្នុងមាតិមោក្ខ។ ជាអ្នកបានដូចប្រាថ្នានូវឈានទាំង៤។ បាននិងជាក់ច្បាស់ក្នុងវិមុត្តិទាំងពីរ។ អង្គ៧ទៀតរបស់វិន័យធរមាន៖ ស្គាល់អាបត្តិ ស្គាល់អនាបត្តិ ស្គាល់លហុកាបត្តិ ស្គាល់គរុកាបត្តិ ជាពហុស្សូតទ្រទ្រង់នូវពុទ្ធវចនៈ។ ជាអ្នកបានដូចប្រាថ្នានូវឈានទាំង៤។ បាននិងជាក់ច្បាស់ក្នុងវិមុត្តិទាំងពីរ។

ភិក្ខុជាបុញ្ញក្ខេត្តប្រកបដោយអង្គ៧ប្រការគឺ៖

ធម្មញ្ញូៈ ជាអ្នកដឹងធម៌។ អត្ថញ្ញូៈ ជាអ្នកដឹងអត្ថ។ អត្តញ្ញូៈ ជាអ្នកដឹងខ្លួន។ មត្តញ្ញូៈ ជាអ្នកដឹងប្រមាណ។ កាលញ្ញូៈ ជាអ្នកដឹងកាលគួរ មិនគួរ។ បរិសញ្ញូៈ ជាអ្នកដឹងបរិស័ទ។ បុគ្គលបរោបរញ្ញូៈ ជាអ្នកដឹងបុគ្គលដទៃគួរគប់រក។

ធម៌ជាបច្ច័យនឹងគ្នា៧យ៉ាងគឺ៖

ហិរិឱត្តប្បៈ ជាបច្ច័យដល់ ឥន្ទ្រិយសំវរៈ ។ ឥន្ទ្រិយសំវរៈ ជាបច្ច័យដល់ សីល ។ សិលៈ ជាបច្ច័យដល់ សម្មាសមាធិ ។ សម្មាសមាធិៈ ជាបច្ច័យដល់ យថាភូតញ្ញាណទស្សនៈ ។ យថាភូតញ្ញាណទស្សនៈ ជាបច្ច័យដល់ និព្វិទាវិរាគៈ ។ និព្វិទាវិរាគៈ ជាបច្ច័យដល់ វិមុត្តញ្ញាណទស្សនៈ ។ វិមុត្តញ្ញាណទស្សនៈ ជាបច្ច័យដល់ បច្ចេកវេក្ខណញ្ញាណ ។

ធម៌៧ប្រការជាទីប្រាថ្នានៃសត្រូវដែលមានសេចក្ដីក្រោធគឺ៖

ទុព្វណ្ណោ អស្សាតិៈ សូមឲ្យបុគ្គលនេះមានវណ្ណៈអាក្រក់។ ទុក្ខំ អសយេយ្យាតិៈ សូមឲ្យបុគ្គលនេះដេកជាទុក្ខ។ ន បច្ចុរត្ថោ អស្សាតិៈ សូមឲ្យបុគ្គលនេះកុំមានប្រយោជន៍ឡើយ។ ន ភោគវា អស្សាតិៈ សូមឲ្យបុគ្គលនេះកុំមានភោគឡើយ។ ន យសវា អស្សាតិៈ សូមឲ្យបុគ្គលនេះកុំមានយសឡើយ។ ន មិត្តវា អស្សាតិៈ សូមឲ្យបុគ្គលនេះកុំមានមិត្តឡើយ។ បរម្មរណា អបាយំ ឧបបជ្ជេយ្យៈ សូមឲ្យបុគ្គលនេះក្រោយពីស្លាប់ទៅកើតអបាយភូមិ។