ការទទួលអ្នកអាន និងការងារខ្ចីសង

 ការទទួលអ្នកអាន និងអ្នកស្រាវជ្រាវ

    ការទទួលអ្នកអាន និងអ្នស្រាវជ្រាវគឺជាការងារដំបូងបង្អស់ដែលបណ្ណារក្សត្រូវធ្វើ។បណ្ណារក្សត្រូវផ្ដល់ព័ត៌មាន ដើម្បីឲ្យអ្នកអាន និងអ្នកស្រាវជ្រាវយល់ដឹងពីបទបញ្ជាផ្ទៃក្នុងរបស់បណ្ណាល័យ និងរបៀបប្រើប្រាស់បណ្ណាល័យ។

សកម្មភាពសិស្សខ្ចីសៀវភៅនិងបណ្ណារក្ស

ការងារខ្ចីសង

    អ្នកអាន អ្នកស្រាវជ្រាវជាច្រើនបានខ្ចីសៀវភៅពីបណ្ណាល័យ និងត្រូវយកមកសងវិញតាមកាលកំណត់។ ដើម្បីធានាថា អ្នកអាន អ្នកស្រាវជ្រាវបានសងសៀវភៅមកបណ្ណាល័យវិញតាមកាលកំណត់បណ្ណារក្សត្រូវបង្កើតបញ្ជីខ្ចីសង ដើម្បីរក្សាទុកកំណត់ត្រានៅក្នុងបណ្ណាល័យ។

    ដោយឡែកសៀវភៅកម្រ ឯកសារសំខាន់ៗដែលមានតម្លៃខ្ពស់ និងសៀវភៅបម្រុងមិនអនុញ្ញាតឲ្យខ្ចីពីបណ្ណាល័យឡើយ។ បណ្ណារក្សត្រូវរក្សាសៀវភៅមួយក្បាលក្នុងមួយចំណងជើងសម្រាប់ធ្វើជាសៀវភៅបម្រុង ដោយបិទស្លាកសម្គាល់។

ចំពោះឯកសារចូលថ្មីបណ្ណារក្សត្រូវដាក់តាំងរយៈពេលមួយសប្ដាហ៍ក្រោយពេលចុះបញ្ជីសារពើភ័ណ្ឌ    រួចទើបអនុញ្ញាតឲ្យខ្ចី។

ក.បញ្ជីខ្ចី​ សង

    ប្រការដែលល្អគួរជ្រើសរើសប្រភេទសៀវភៅក្រាស់ធ្វើជាបញ្ជីខ្ចី សង។

• លេខរៀងៈ សម្រាប់សម្គាល់លេខរៀងអ្នកខ្ចី
• ឈ្នោះអ្នកខ្ចីៈ សរសេរឈ្មោះអ្នកខ្ចី
• ភេទៈ សរសេរភេទរបស់អ្នកខ្ចី
• អាស័យដ្ឋាន/ថ្នាក់ៈសហគមន៍សរសេរអាស័យដ្ឋានរបស់គាត់ សិស្សត្រូវចុះឈ្មោះថ្នាក់។
• ចំណងជើងសៀវភៅៈ សរសេរចំណងជើងសៀវភៅ
• លេខសារពើរភ័ណ្ឌសៀវភៅៈ សរសេរលេខសរពើភ័ណ្ឌសៀវភៅ
• កាលបរិច្ឆេទខ្ចីៈ
• ថ្ងៃ ខែ ឆ្នាំខ្ចីៈ ចុះថ្ងៃជាក់ស្ដែង
• ហត្ថលេខាៈ ហត្ថលេខារបស់អ្នកខ្ចី
• កាលបរិច្ឆេទសងៈ
• ថ្ងៃ ខែ ឆ្នាំសងៈ ចុះថ្ងៃជាក់ស្ដែង
• ហត្ថលេខាៈ ហត្ថលេខារបស់អ្នកសង
• ហត្ថលេខាបណ្ណារក្សៈ បណ្ណារក្សចុះហត្ថលេខាពេលអ្នកខ្ចីសៀវភៅយកមកសងវិញ។

បញ្ជីខ្ចីសងសៀវភៅ

ល.រ	ឈ្មោះអ្នកខ្ចី	ភេទ	អស័យដ្ឋាន/ថ្នាក់	ចំណងជើងសៀវភៅ	លេខសារ ពើភ័ណ្ឌ	កាលបរិច្ឆេទខ្ចី		កាលបរិច្ឆេទសង		ហត្ថលេខា បណ្ណារក្ស
						ថ្ងៃខែឆ្នាំខ្ចី	ហត្ថលេខា	ថ្ងៃខែឆ្នាំសង	ហត្ថលេខា
០០១	លី បូណា	ប	៥ក	រឿងក្ងោកក្បាលពី	៥៣៥៧	១០.០៣.១៣		១២.០៣.១៣
០០២	យូ សុណា	ស	៦គ	ចលនាកម្លាំង	១៤០៥	១០.០៣.១៣		១២.០៣.១៣
០០៣	តេង ស្រី​លីន	ស	៣ក	រឿងក្រសានិងអ្នករុតត្រី	០៧០៣	១០.០៣.១៣		១២.០៣.១៣

*សូមបង្វិលទូរស័ព្ទក្នុងទម្រង់ផ្ដេកដើម្បីមើលឃើញតារាងពេញលេញ។

ខ.រយៈពេលខ្លី សង

    បណ្ណាល័យបឋមសិក្សានីមួយៗ ត្រូវមានវិធានការអនុវត្តផ្ទាល់ខ្លួនទៅលើរយៈពេលខ្លី សងរបស់សិស្ស គ្រូ និងសហគមន៍ អាស្រ័យតាមស្ថានភាពជាក់ស្តែង។

គ.ការរំលឹក

    បណ្ណារក្សត្រូវត្រួតពិនិត្យជាប្រចាំចំពោះអ្នកខ្ចីសៀវភៅពីបណ្ណាល័យ។ ប្រសិនបើហួសកំណត់បណ្ណារក្ស ត្រូវរំលឹកដល់អ្នកដែលមិនទាន់បានសងសៀវភៅ។ ការរំលឹកមានពីរដំណាក់កាលគឺ៖

    - ការរំលឹកលើកទី១: បើសិស្សត្រូវធ្វើតាមប្រធានថ្នាក់/គ្រូបន្ទុកថ្នាក់ គ្រូ, សហគមន៍ ធ្វើការរំលឹកដោយផ្ទាល់។

    - ការរំលឹកលើកទី២: បើសិស្សត្រូវធ្វើតាមគ្រូន្ទប់ថ្នាក់ បើគ្រូតាមប្រធានក្រុមបច្ចេកទេសនិង​សហគមន៍តាមគណៈកម្មការអភិវឌ្ឍសាលារៀន។

    -វិធានការ: ក្រោយពីការរំលឹកលើកទី២អ្នកខ្ចីនៅតែមិនយកសៀវភៅមកសង បណ្ណារក្សត្រូវស្រង់ឈ្មោះរាយរណ៍ទៅគណៈគ្រប់គ្រងសាលា។

¯សម្គាល់ៈ ការរំលឹកត្រូវធ្វើយ៉ាងយូរបំផុតមួយសប្តាហ៍ក្រោយថ្ងៃកំណត់។