ស្រីខូចសម្គាល់បានដោយអាការៈ២៥យ៉ាងគឺ៖
- សាមិកស្ស បវាសំ វណ្ណេតិៈ ស្រីសរសើរការនៅឃ្លាតពីប្ដី
- បវុត្ថំ ន សរតិៈ ស្រីមិននឹករឭកប្ដីដែលឃ្លាតឆ្ងាយ
- អាគតំ នាភិនន្ទតិៈ មិនត្រេកអរនឹងប្តីដែលទើបតែមកដល់
- វណ្ណំ តស្សន ភណតិៈ មិននិយាយសរសើរនឹងប្ដីដែលទើបមកដល់
- អនត្ថំ តស្ស ចរ តិៈ ប្រព្រឹត្តនូវសេចក្ដីវិនាសដល់ប្តីនោះ
- អត្ថំ តស្ស ន ចរតិៈ មិប្រព្រឹត្តសេចក្ដីចម្រើនដល់ប្តីនោះ
- អកិច្ចំ តស្ស ករោតិៈ ធ្វើតែអំពើមិនគួរធ្វើដល់ប្ដីនោះ
- កិច្ចំ តស្ស ន ករោតិៈ មិនធ្វើនូវអំពើដែលគួរធ្វើដល់ប្តីនោះ
- បរិទហិត្វា សយតិៈ ស្លៀកជាប់មាំមួនពេក
- បរម្មុខី និបជ្ជតិៈ លបដេកកំបាំងមុខ (បែរខ្នង)
- បរិវត្តកជាតាៈ ដេកបម្រះននៀល
- កុង្កុមិយជាតាៈ បង្កជម្លោះ
- ទីឃ អស្សាសតិ ទុក្ខំ វេទយតិៈ ដកដង្ហើមវែងដូចជារងទុក្ខ
- ឧច្ចារប្បស្សាវំ អភិនណ្ហំ គច្ឆតិៈ ទៅកាន់ទីឧច្ចារបស្សាវៈជារឿយៗ
- វិលោមមាចរតិៈ ប្រព្រឹត្តទទឹងទាស់
- បរបរិសសទ្ទំ សុត្វា កណ្ណសោតំ វិទហតិៈ ឮសំឡេងប្រុសផ្សេងផ្ទៀងត្រចៀកស្ដាប់
- នីហត ភោគាៈ ជាស្រីបំផ្លាញទ្រព្យ
- បដិវិស្សកេហិ សន្ថវំ ករោតិៈ ធ្វើនូវសន្ថវកិច្ចនឹងប្រុសទាំងឡាយដែលស្និទ្ធស្នាល
- និក្ខន្តបាទាៈ បានតែខាងចេញដើរ
- វិសិខាបុចារិនី អតិចារិនីៈ ជាស្រីប្រព្រឹត្តដើរលេងរឿយៗក្នុងពេលយប់ប្រព្រឹត្តកន្លងចិត្តប្ដី
- សាមិកេ អាកវរាៈ មិនគោរពប្ដី
- បទុដ្ឋមនសង្កប្បាៈ មានចិត្តគំនិតខូចកាច
- អភិណ្ហំ ទ្វារ តិដ្ឋតិៈ ឈរទាបមាត់ទ្វារញយៗ
- កច្ឆានិ អង្គានិ ថនានិ ទស្សេតិ ទិសោទិសំ គន្ដា បេក្ខតិៈ បង្ហាញក្លៀក រាងកាយ ដោះ ដើរទៅកាន់ទិសទាំងពួងហើយក្រឡេកមើល។
- អវណ្ណំ តស្ស ភណតិៈពោលទោសប្តីនោះ។
