គុណនៃឈាន២៨ប្រការគឺ៖
- អត្តតានំ រក្ខតិៈ កែងអភិបាលរក្សាខ្លួន
- អាយុំ ទេតិៈ តែងឲ្យនូវអាយុ
- ពលំ ទេតិៈ តែងឲ្យមានកម្លាំង
- វជ្ជំ បិទហតិៈ តែងបិទបាំងនូវទោស
- អយសំ វិនោទេតិៈ តែងបន្ទោបង់ចេញនូវវត្ថុមិនមែនយស
- យសមុបនេតិៈ តែងនាំមកនូវយស
- អរតឹ នាសយតិៈ តែងវិនាសនូវសេចក្ដីមិនត្រេកអរ
- រតឹ ឧប្បាទេតិៈ តែងធ្វើឲ្យត្រេកអរកើតឡើង
- ភយំ តបនេតិៈ តែងកម្ចាត់នូវភ័យ
- វេសារជ្ជំ ករោតិៈ តែងធ្វើឲ្យក្លៀវក្លា
- កោសជ្ជំមបនេតិៈ តែងកម្ចាត់ចេញនូវសេចក្ដីច្រអូស
- វីរិយមភិសជ្ជានេតិៈ តែងឲ្យកើតសេចក្ដីព្យាយាម
- រាគមបនេតិៈ តែងកម្ចាត់ចេញនូវរាគៈ
- ទោសមបនេតិៈ តែងកម្ចាត់ចេញនូវទោសៈ
- មោហំ ហនេតិៈ តែងកម្ចាត់ចេញនូវមោហៈ
- មានំ ហនេតិៈ តែងកម្ចាត់ចេញនូវមានៈ
- សវិតក្កំ ជជ្ជេតិៈ តែងកម្ចាត់បង់នូវវិតក្កៈ
- ចិត្តកគ្គំ ករោតិៈធ្វើចិត្តជាឯកគ្គតា
- ចិត្តំ ស្នេហយតិៈ ធ្វើឲ្យចិត្តស្រឡាញ់ក្នុងទីស្ងាត់
- ហាសំ ជាយេតិៈ តែងឲ្យកើតសេចក្ដីរីករាយ
- បីតិ ឧប្បាទយេតិៈ តែងកើតសេចក្ដីរីករាយ
- គរុកំ ករោតិៈ ធ្វើឲ្យពេញចិត្ត
- លាភំ និព្វត្តយតិៈ ធ្វើឲ្យកើតនូវលាភ
- មនបិយំ ករោតិៈ ធ្វើឲ្យជាទីពេញចិត្ត
- ខន្តឹ បាលេតិៈ តែងឲ្យរក្សានូវខន្តី
- សង្ខារានំ អាសវំ ធំសតិៈ កម្ចាត់ចេញនូវអាសវៈរបស់សង្ខារ
- ភាវបដិសន្ធិ ឧគ្បាដេតិៈ មិនឲ្យកើតក្នុងភពតទៅ (បន្ថយចេញនូវការបដិសន្ធិក្នុងភព)
- សន្តំ សាមញ្ញំ ទេតិៈ តែងឲ្យនូវផលរបស់សមណៈ ។
