និយមន័យអំពីតួអង្គមាន៖
- តួអង្គឯកៈ ជាតួអង្គដែលសំខាន់ជាងគេនៅក្នុងរឿង និងមានសកម្មភាពច្រើនជាងគេនៅក្នុងដំណើររឿង។
- តួអង្គរងៈ ជាតួអង្គសំខាន់បន្ទាប់ពីតួអង្គឯក មានតួនាទីធ្វើសកម្មភាពបង្គ្រប់ន័យឲ្យតួអង្គឯក និងមានទំនាក់ទំនងតិច ឬច្រើនជាមួយតួអង្គឯក ឬតួអង្គដទៃទៀត។
- តួអង្គវិជ្ជមានៈ ជាតួអង្គដែលសំខាន់ជាងគេនៅក្នុងរឿង មានអត្តចរិកស្លូតបូត សុភាពរាបសា និងមានឧត្តមគតិល្អនៅក្នុងរឿង។
- តួអង្គអវិជ្ជមានៈ ជាតួអង្គដែលមានអត្តចរិកអាក្រក់ និងគ្មានឧត្តមគតិល្អនៅក្នុងរឿង។
- តួអង្គសកម្មៈ ជាតួអង្គដែលមានសកម្មភាពច្រើនជាងគេនៅក្នុងរឿងតាំងពីផ្ដើមរឿង រហូតដល់់បញ្ចប់រឿង។
- តួអង្គអសកម្មៈ ជាតួអង្គដែលមានសកម្មភាពតិចតួច ឬស្ទើរតែគ្មានសកម្មភាពសោះនៅក្នុងរឿងតាំងពីផ្ដើមរឿង រហូតដល់់បញ្ចប់រឿង។
- តួអង្គថេរៈ ជាតួអង្គដែលមានបុគ្គលិកលក្ខណៈមិនប្រែប្រួល តាំងពីផ្ដើមរឿង រហូតដល់់បញ្ចប់រឿង បើល្អគឺល្អរហូត ហើយបើអាក្រក់គឺអាក្រក់រហូត។
- តួអង្គអថេរៈ ជាតួអង្គដែលមានបុគ្គលិកលក្ខណៈប្រែប្រួល តាំងពីផ្ដើមរឿង រហូតដល់់បញ្ចប់រឿង ជួនកាលល្អពីដំបូងហើយអាក្រក់ នៅបញ្ចប់រឿង ហើយជួនកាលអាក្រក់ពីដំបូង ហើយបែរជាល្អនៅបញ្ចប់រឿងទៅវិញ។
