ចូរនិយាយពីអត្ថប្រយោជន៍អក្សរសិល្ប៍ខ្មែរ
អក្សរសិល្ប៍ខ្មែរបានចូលរួមចំណែកជាប្រយោជន៍ជាច្រើនចំពោះសង្គមតាំងពីសម័យបុរាណ
ដល់បច្ចុប្បន្នដូចជា ៖
- សម័យបុរាណៈ មានអក្សរសិល្ប៍ប្រជាប្រិយ និងអក្សរសិល្ប៍តន្ត្រី។
- ចំណេះដឹងៈ ទាក់ទងបញ្ហាមនុស្ស ស្នេហា ការកាត់ក្ដី ទំនាស់ សង្គ្រាម សាសនា ការដណ្ដើមរាជ្យ
ជំនឿ ទំនៀមទម្លាប់ ប្រពៃណី ជីវភាពរស់នៅ តាមរយៈការសិក្សាស្នាដៃអក្សរសិល្ប៍។
- ចំណេះធ្វើៈ មានបទពិសោធន៍ ទឹកចិត្តក្លាហាន មានការតស៊ូព្យាយាម មានមេរៀនជីវិត តាមរយៈការសិក្សាស្នាដៃអក្សរសិល្ប៍។
- សីលធម៌ៈ ជួយអប់រំសីលធម៌ បុគ្គលិកលក្ខណៈមនុស្ស
ស្គាល់អំពើល្អ អាក្រក់ ជឿកម្មផល កុសល សន្តិភាព។
- ចេះរស់នៅជាមួយគ្នាៈ មានសាមគ្គីភាព ចេះយោគយល់ អធ្យាស្រ័យ ជួយគ្នា មិនរើសអើង ចេះជាតិ ការពារទឹកដី
ធ្វើពលិកម្ម។
- សម័យបច្ចុប្បន្នៈ សម័យទំនើបចាប់ពីឆ្នាំ១៩០០មក។
- ចំណេះដឹងៈ ទាក់ទងបញ្ហាមនុស្ស ស្នេហា ទំនាស់ សង្គ្រាម សាសនា ជំនឿ ទំនៀមទម្លាប់ ប្រពៃណី
ជីវភាពរស់នៅ បណ្ដុះលក្ខណៈមនុស្សនិយម
ជឿលើប្រាជ្ញាស្មារតី កម្លាំងកាយ ចិត្ត និងសមត្ថភាពផ្ទាល់ខ្លួនតាមរយៈការសិក្សាស្នាដៃអក្សរសិល្ប៍។
- ចំណេះធ្វើៈ មានបទពិសោធន៍ ចេះគោរពសិទ្ធិមនុស្ស ប្រជាធិបតេយ្យ សេរីភាព ស្រឡាញ់បរិស្ថាន
ទុកជាមេរៀនជីវិត តាមរយៈការសិក្សាស្នាដៃអក្សរសិល្ប៍។
- សីលធម៌ៈ ជួយអប់រំសីលធម៌ បុគ្គលិកលក្ខណៈមនុស្ស
ស្គាល់អំពើល្អ អាក្រក់ ។
- ចេះរស់នៅជាមួយគ្នាៈ មានសាមគ្គីភាព ចេះយោគយល់ អធ្យាស្រ័យ ជួយគ្នា មិនរើសអើង។
