ការចេះដឹងល្អរមែងនាំមកនូវសេចក្ដីសុខ

ការចូលរៀនក្នុងសាលា ការលេងកីឡា ការសម្ដែងសិល្បៈជាដើមនេះគឺត្រូវមានគ្រូ មានការគ្រប់គ្រង មានការបង្វឹកពីខាងដើមមក​ យ៉ាងណាមិញមនុស្សយើងតាំងពីតូចរហូតដល់ធំ និងចេះមានការទទួលខុសត្រូវ

ខ្លួនឯងបាននោះក៏ត្រូវមានឪពុក មានម្ដាយ មានគ្រូ មានអ្នកមើលថែ មានអ្នកបង្វឹកបង្ហាត់បង្រៀនយ៉ាងនោះដែរ កាលបើកូនមានការចេះដឹងល្អ មានការប្រព្រឹត្តល្អហើយនោះ កូនរមែងមានសេចក្ដីសុខក្នុងជីវិតរបស់កូនយ៉ាងពិតប្រាកដ។ ឪពុកនឹងម្ដាយរបស់កូនមានសសេចក្ដីសុខណាស់កាលបើបានមើលថែ​ និងអប់រំទូន្មានកូនហើយកូនជាមនុស្សប្រដៅងាយ ប្រព្រឹត្តល្អ ចម្រើនដល់គុណ និងមានសីលធម៌ប្រចាំខ្លួនជាប់ជាឧបនិស្ស័យតាមការដែលម៉ែឪទូន្មាននោះ ឪសូមអោយពរដល់កូន។