ការនិពន្ធស្នាដៃអក្សរសិល្ប៍៖ ជាការប្រមូលផ្ដុំសកម្មភាពអក្សរសិល្ប៍
និងសិល្បៈ ដោយមានការចូលរួមពីវត្ថុវិស័យ ប្រធានវិស័យ
និងកាលអាកាសពិតដើម្បីធ្វើទូទៅនីយកម្មដោយបញ្ចូលសិល្បៈ
លើករឿងធម្មតាទៅមិនធម្មតា ឬរឿងមិនធម្មតាទៅធម្មតា។
អ្នកនិពន្ធដ៏ល្អត្រូវមានលក្ខណសម្បត្តិជាច្រើនដូចជា៖
- មានទុនចំណេះដឹងទូលំទូលាយ ផ្នែកប្រវត្តិសាស្ត្រ ភូមិសាស្ត្រ ចិត្តសាស្ត្រ សីលធម៌ វប្បធម៌ អរិយធម៌ វិទ្យាសាស្ត្រ បច្ចេកទេស...។
- ចេះប្រើសិល្ប៍វិធីផ្សេងៗដែលមានលក្ខណៈជាទម្រង់អក្សរសិល្ប៍ពិតប្រាកដ ប្រកបដោយវិទ្យាសាស្ត្រសិល្បៈ គួបផ្សំការប្រើប្រាស់ពាក្យពេចន៍ ឃ្លាប្រយោគ វោហារសព្ទដើម្បីបង្កើតនូវស្នាដៃដែលមានតម្លៃពិតប្រាកដ។
- មានសមត្ថភាពលំនឹកល្អក្នុងការចងចាំ ធ្វើឲ្យដំណើររឿងមានទំនាក់ទំនងល្អ មិនច្របូកច្របល់តាំងពីដើមដល់ចប់។
- មានបុគ្គលិកលក្ខណៈល្អ បង្កប់នូវមនោសញ្ចេតនាពោរពេញដោយទឹកចិត្ត ឧត្តមគតិល្អក្នុងការធ្វើទំនាក់ទំនងជាមួយសង្គម និងចេះបត់បែនប្រែប្រួលតាមស្ថានភាពជាក់ស្ដែងគ្រប់កាលៈទេសៈ។
- មានទេពកោសល្យល្អក្នុងការសម្ដែងស្នាដៃ ប្រកបដោយភាពងាយស្រួលច្បាស់លាស់មានតម្លៃ ដើម្បីផ្ដល់ឲ្យមហាជននូវបទពិសោធន៍ និងពុទ្ធិ ដែលខ្លួនចង់បង្ហាញ។
