ដូចម្ដេចដែលហៅថាព្យាង្គ? មានប៉ុន្មានទម្រង់? អ្វីខ្លះ? ដូចម្ដេចដែលហៅថាសទ្ទនៅក្នុងព្យាង្គ? មានប៉ុន្មានប្រភេទ? អ្វីខ្លះ?

ព្យាង្គៈ ជាសូររួមនៃសទ្ទ ដែលបន្លឺឡើង​តែមួយ​បន្សាយ​សំឡេង។

​ព្យាង្គ​មាន​៤ទម្រង់គឺ៖

• ទម្រង់[ពស]: កើតពីព្យញ្ជនៈ+ស្រៈ។
• ទម្រង់[ពសព]: កើតពីព្យញ្ជនៈ+ស្រៈ+ព្យញ្ជនៈ។
• ទម្រង់[ពពស]: កើតពីព្យញ្ជនៈ+ព្យញ្ជនៈ+ស្រៈ។
• ទម្រង់[ពពសព]: កើតពីព្យញ្ជនៈ+ព្យញ្ជនៈ+ស្រៈ+ព្យញ្ជនៈ។

សទ្ទនៅក្នុងព្យាង្គៈ ជាសូរសំឡេងនៅក្នុងព្យាង្គនីមួយៗ។  

សទ្ទនៅក្នុងព្យាង្គ​​មានបី​ប្រភេទគឺ៖

• សទ្ទដើមព្យាង្គៈ ជាសូរព្យញ្ជនៈទោល(ទម្រង់[ពស] ឬ[ពសព]) និងជាសូរ​ព្យញ្ជនៈផ្សំ​(ទម្រង់​[ពសព ] ឬ[ពពសព])។
• សទ្ទកណ្ដាលព្យាង្គៈ ជាសូរស្រៈក្នុងទម្រង់[ពសព] ឬ[ពពសព]។
• សទ្ទចុងព្យាង្គៈ ជាសូរស្រៈ(ទម្រង់[ពស] ឬ[ពពស]) និងជាសូរព្យញ្ជនៈ(ទម្រង់[ពសព] ឬ[ពពសព])។