អំពើល្អ និងអំពើអាក្រក់

អំពើល្អ និងអំពើអាក្រក់

សុក្ករំ សាធុនា សាធុ សាធុ បាបេន ទុក្ករំ

បាបំ បាបេន សុក្គរំ បាបមរិយេហិ ទុក្ករំ

អំពើល្អមនុស្សសប្បុរសធ្វើបានដោយងាយ អំពើល្អមនុស្សអាក្រក់ធ្វើបានដោយលំបាក

អំពើបាបមនុស្សបាបធ្វើបានដោយងាយ អំពើបាបព្រះអរិយៈធ្វើបានដោយក្រ។

លាភសក្ការៈសម្លាប់បុគ្គលពាល

ប្រារព្ធភិក្ខុទេវទត្ត

ផលំ វេ កទលឹ​ ហន្តិ ផលំ វេឡុំ ផលំ នឡំ

សក្ការោ កាបុរិសំ ហន្តិ គញ្ភោ អស្សតរឹ យថា

ផ្លែចេករមែងសម្លាប់ដើមចេក ផ្លែ​ឫស្សីរមែងសម្លាប់ដើមឫស្សី ផ្លែបបុស

រមែងសម្លាប់ដើមបបុសយ៉ាងណា លាភសក្ការៈរមែងសម្លាប់បុរសអាក្រក់

ដូចជាគភ៌រមែងសម្លាប់មេសេះអស្សតរដូច្នោះ។

ធម៌មិនប្រសើរ៤

អលសោ គិហី កាមភោគី ន សាធុ អសញ្ញតោ បព្វជិតោ ន សាធុ

រាជា ន សាធុ អនិសម្មការី យោ បណ្ឌិតោ កោធនោ តំ​ ន សាធុ

គ្រហស្ថអ្នកបរិភោគកាម ខ្ជិលច្រអូសមិនប្រពៃ អ្នកបួសមិនសង្រួមមិនប្រសើរ

ព្រះរាជាមិនទ្រង់ពិចារណាមុនហើយសម្រេចរាជកិច្ចមិនប្រសើរ

បណ្ឌិតដែលជាអ្នកច្រើនដោយសេចក្ដីក្រោធពុំប្រសើរឡើយ។